Пожарот што избувна синоќа во близина на Јесенице, источно од Сплит, го гаснат 150 пожарникари со 50 возила. Пожарот се заканувал на куќи на некои места, но тие биле спасени со интервенција на пожарникарите, според главниот командант на противпожарната служба на Сплитско-далматинската жупанија, Иван Ковачевиќ.
Три канадери утрово беа вклучени во гаснењето на пожарот. Пожарот, според полицијата, избувнал во 2:54 часот наутро над Јесенице и Сумпетар во населбата Старо село.
Полицијата објави дека патот Д8 од Мутограс до Омиш е затворен за секаков сообраќај од 6:15 часот наутро. Полициски службеници се на терен пренасочувајќи го сообраќајот и поддржувајќи ги пожарникарите.
„Ги повикуваме возачите да ги почитуваат упатствата и наредбите на полициските службеници на терен. Утрово околу 02:54 часот над Сумпетар и Јесенице, поточно во близина на населбата Старо Село, избувна пожар и се работи на гаснење“, додаде полицијата.