По неколкудневна потрага, младенчето лав кое исчезна во Будва, конечно е пронајдено, јавуваат тамошните медиуми.
Младенчето е пронајдено во стара напуштена куќа, во лоша состојба, поради што веднаш било однесено на ветеринар.
„Немаше потреба да се користат седативи, лавот беше фатен во стара куќа над Будва. Во многу лоша здравствена состојба е, исплашен, исцрпен и гладен“, рече активистот кој учествуваше во потрагата.
Лавот бил забележан од полицаец, кој ги повикал претставниците на Агенцијата за заштита на животната средина кои го фатиле.