Ивица Дачиќ, вицепремиерот на Владата на Србија, повторно му ја отпеа песната „Осман ага“ на Реџеп Таип Ердоган, исто како и пред седум години за време на неговата посета на Белград.
Дачиќ, пред својот настап, се присети на 2017 година кога на сличен начин првпат го пречека Ердоган.
Ердоган во четвртокот и петокот беше во официјална посета на Србија. Домаќин на претседателот на Турција беше претседателот на Србија, Александар Вучиќ, со кого присуствуваа на потпишувањето на повеќе договори и меморандуми меѓу двете земји.
Песната „Осман ага“ прв ја испеа и прослави Мухарем Шербезовски, а на Јутјуб се уште постои снимка од првата изведба на Дачиќ на таа песна.