По предлог на косовското Министертво за образование и наука, Владата во Приштина донесе одлука Универзитетот во Приштина во иднина да го носи името на албанскиот патриот и идеолог на албанската држава, Хасан Приштина.
– Името на Хасан Приштина за Универзитетот во Приштина претставува чест за оваа институција и тоа беше моја идеја уште од поодамна – изјави премиерот Хашим Тачи и додаде дека периодот на одбележување на 100-годишнината од независнота на првата албанска држава му дава значење на ова именување.
Премиерот Тачи потоа предложи Националната и унверзитетска библиотека да го добие името на Пјетер Богдани, додека Историскиот институт името на Али Хадри, и двајцата големи личности од албанската култур. Владата донесе одлука со која се усвојуваат предлозите за именување на трите институции од областа на културата, образованието и науката на Косово.