Убиен е Јован Мрваљевиќ кој важеше за високорангиран член на „Шкаљарскиот клан“.
На почетокот на 2021 година беше осомничен дека е дел од група која наводно се обидела да ги убие белградските криминалци Вељко Беливук и Марко Миљковиќ во Тиват.
Тој беше убиен синоќа во близина на Никшиќ. Полицијата трага по сторителите на убиството.
„Вечерва во Никшиќ, околу 20:00 часот, во населбата Капино Поље, од страна на непознато лице е употребено огнено оружје врз Ј.М. од Никшиќ, член на организирана криминална група, кој притоа беше убиен. Службениците на Управата на полицијата – Регионален центар за безбедност „Запад“, во соработка со надлежниот државен обвинител од Вишото државно обвинителство во Подгорица, преземаат сите законски пропишани и итни мерки и дејствија со цел утврдување на сите околности и целосно расветлување на настанот“, соопштија од Управата на полицијата.
