Осум месеци по неговото апсење, денеска започна судењето на 29-годишниот Душко Танасковиќ од Крагуевац, кој беше обвинет за убиство на 39-годишниот граѓанин на Црна Гора, Горан Влаовиќ.
„Јас не сум виновен!“, изјави Танасковиќ откако судијката Ана Бркиќ му ја покажа снимката од убиството за кое се товари, пренесува Задарски.хр.
На Танасковиќ му се суди за убиство, за кое му се заканува казна затвор од пет до 20 години. Доказот пред судот е токму шокантната снимка од егзекуцијата за која е обвинет Танасковиќ.
Поради неговото доаѓање во Жупанискиот суд, безбедносните мерки беа подигнати на највисоко ниво. Танасковиќ носеше панцир во судницата, како и двајца припадници на правосудната полиција кои го придружуваа.
Да потсетиме, „џелатот“ го најде Горан Влаовиќ по забава во клуб на островот Паг. Му пријде на Влаовиќ одзади и ладнокрвно го застрелал во вратот со пиштол.
Потоа по пукањето се појави видео на кое се гледа како Влаовиќ како лежи на подот, додека двајца мажи се обидуваат да му помогнат. Додека едниот се обидува да го реанимира, другиот ја покрива раната со рацете обидувајќи се да го запре крварењето.