Осомничената Б.К., член на комисијата за технички преглед на работите на Железничката станица во Нови Сад, била уапсена синоќа на аеродромот „Никола Тесла“ во Белград по враќањето од Италија, дознава српски Курир.
Уапсена е од УКП по наредба на Специјалното одделение за сузбивање на корупцијата на Вишото јавно обвинителство во Белград, кое вчера уапси уште четворица нејзини колеги поради работно невнимание, што резултираше со уривање на настрешницата на таа железничка станица на 1 ноември 2024 година.
За потсетување, 15 лица загинаа, а двајца се тешко повредени при уривање на настрешница во Нови Сад.