Турски кранист загина откако војници стрелале во неговиот кран бидејќи минал преку безбедносната ограда во воена база, соопштија турски официјални претставници.
Државната агенција Анадолија соопшти дека војници во воената база Даламан во Западна Турција вчера стрелале во гумите на кранот, по што тој паднал во ископ. Двајца војници се повредени во инцидентот.
Кранистот Адил Јилдзли (21) бил под дејство на алкохол и тргнал кон базата, по што полицијата се обидела да го запре, изјави денеска валијата на округот Мугла Амир Чичек.
Според Чичек војниците најпрво испукале предупредувачки истрели, а Јилдзли загинал откако паднал во ископот.