Турски авиони ловци гаѓале цели на Курдската работничка партија (ПКК) во источна Турција и северен Ирак, информира турската телевизија НТВ.
Во нападите во округот Тунџели биле убиени петмина курдски борци.
При гаѓањето во регионот Зап, во северен Ирак, биле погодени серија цели на ПКК. Конкретно, биле уништени засолништа, како и склад за оружје и муниција на курдските сепаратисти.
ПКК, која од 1984 година води вооружена борба против турската држава, од страна на Анкара, ЕУ и САД е третирана како терористичка организација. Борците на групата имаат свои бази во северен Ирак.