Турската армија неутрализира над 100 членови на Курдската работничка партија (ПКК) во операциите во источна и југоисточна Турција во текот на неколку дена, пренесе агенцијата Анадолија.
Акциите биле извршени од 20 до 26 октомври, соопшти денеска турската армија.
Операциите биле извршени во осум окрузи – Хакјари, Агри, Ширнак, Дијарбекир, Бингол, Батмен, Битлис и Сирт.
Неутрализирани биле вкупно 105 курдски сепаратисти.
ПКК, која се смета за терористичка организација од страна на Турција, ЕУ и САД, ја обнови својата 30-годишна борба против турската држава во јули минатата година.