Турците се интересираат најмногу за религија, а прашањата поврзани со политика, синдикати и мода, не претставуваат интерес за нив, покажуваат податоците од најновото истражување.
Според анкетата, извршена од Турскиот статистички институт, 65 отсто од младите Турци (на возраст меѓу 15 и 24 години) се интересираат за религија, додека едвај 15 отсто покажуваат интерес од политички прашања.
Според истражувањето, наречено „Интересите на турското општество“, граѓаните на возраст меѓу 25 и 64 години исто така се интересираат повеќе од религија (64 отсто), а политиката претставува интерес само за 18 отсто од анкетираните.
Прашањата, поврзани со синдикални активности, исто така не ги интересираат младите Турци – 72 отсто од нив. Четириесет и шест отсто посочиле исто така дека не ги интересира модата.
Резултатите од анкетата, меѓутоа, покажуваат дека турските граѓани се интересираат многу од прашањата поврзани со здравството.