Турција потрошила за сириските бегалци над 220 милиони долари од буџетот, изјави денеска министерот за финансии на Турција Мехмет Шимшек.
Според министерот сумата ќе биде уште поголема за 2012 година поради обезбедувањето неопходни кампови и потребите на над 100.000 бегалци. Финансирање имало не само од централната власт туку и од локалните власти.
Сириски бегалци има во 13 кампови и едно село од контејнери, како и времен центар за прием на бегалци. Бегалците се во шест јужни турски провинции, од кои четири граничат со Сирија. Од Сирија во Турција пристигнаа вкупно 143 илјади бегалци, но 43 илјади се вратија. Во меѓувреме, на границата има нови групи бегалци – околу 10.000. Поради тоа, Турција итно гради нови кампови.