По првиот противудар непосредно по сирискиот напад, турската армија во четвртокот во рана зора го продолжи гранатирањето.
Жителите на Акчакале, каде што пет лица загинаа, а десет беа ранети, потврдија за Франс прес дека турските топови распоредени долж сириската граница го прекинале огнот.
На мета на турските војници беше подрачјето околу граничниот премин Тал-ал Абиад, каде што се распоредени сили приврзани на сирискиот претседател Башар ал-Асад.
Според информациите на Сириската опсерваторија за човекови права, во турскиот атак загинале повеќе сириски војници.
Турскиот парламент денеска прифати документ со кој им се одобрува на турските сили воено да интервенираат во Сирија, но владата во Анкара тврди дека не сака војна со соседот.