Турција апелира до членовите на меѓународната коалиција за борба против борците од терористичката група Исламска држава да ја зголеми помошта за ирачките курдски борци (пешмерги), изјави шефот на турската дипломатија Мевљут Чавушоглу на прес-конференција во Брисел.
Тој посочи дека треба да се зголеми и помошта за ирачката Влада и за пешмергите.
– Земјите-членки на коалицијата безусловно го поддржуваат Ирак, но тоа не е доволно, истакна Чавашоглу.
Турскиот министер за надворешни работи наведе и дека се влошува ситуацијата во Сирија.
– Ситуацијата во Сирија се влошува. Режимот на Башар ал Асад стана причина за настаните во Сирија. За да се реши проблемот, поврзан со тероризмот во таа земја, треба да дејствуваме усогласено, неопходна ни е сеопфатна стратегија за постигнување на резултат, потенцира Чавашоглу.