Тројца американски маринци од воениот брод „Рос“ се нападнати и изложени на понижување, за време на нивната прошетка низ Истанбул.
Маринците биле удирани со клоци и со тупаници по главата, нo ниту еден од нив не е тешко повреден. Сите тројца сами и без ничија придружба се вратиле на бродот и не побарале лекарска помош.
Напаѓачите се припадници на турските нео-националисти од турската Унија на млади, како што официјално се нарекува оваа организација.
За нападот е направена и видео снимка, а во соопштението на Унијата издадено на нејзината интернет странца се вели дека маринците се нападнати во знак на протест против „американскиот империјализам“ на Блискиот Исток и во другите делови од светот.
За време на нападот тие извикувале пароли во кои се повикувало на борба против „империјализмот и насилството“ врз државите изложени на притисок, но во извешатите на турските медиуми за инцидентот се вели дека нема знаци на поврзаност на напаѓачите со џихадистие од Исламска држава.
Нео-националистите носеле само турски знамиња и слика на Кемал Ататурк, основачот на нова и секуларна Турција, но извикувале пароли како „Јенки одете си дома“.
Командантот на бродот ГрегХикс, како и американската команда во Европа отворија истрага за инцидентот со морнарите во Истанбул.
– Овој случај нема да влијае врз гостопримстото и приемот кон американските бродови во турските пристаништа, изјави командантот Хикс. По инцидентот тој сепак ги забрани сите излегувања на морнарите.
Ова не е првпат припадниците на турската Унија на млади, да ги напаѓаат и навредуваат војниците или маринците од земјите сојузнички на Турција во НАТО.
Турското Министерство за надворешни работи го осуди нападот на американските морнари.