Убиство се случи во Сараево. Жртвата е постаро лице, а за убиството се осомничени нејзините малолетни внуки.
Полицијата уапсила и малолетник кој бил присутен во истата просторија каде се случило злосторството.
Наводно, малолетниците заедно конзумирале алкохол. Во еден момент меѓу малолетниците и жената дошло до расправија, па ја удавиле. Најпрвин се мислело дека се работи за природна смрт, но по обдукцијата која била направена е утврдено дека жената е убиена.
Мирза Хаџиабдиќ, портпарол на Министерството за внатрешни работи на кантонот Сараево за порталот Аваз го потврди убиството.
– Имајќи предвид дека полициските службеници на МУП на кантонот Сараево, под надзор на Кантоналното обвинителство на кантонот Сараево, преземаат интензивни мерки и дејствија за расветлување и документирање на сите околности поврзани со постоењето на основи на сомнение дека е сторено кривично дело убиство на постара жена, во овој момент во интерес на истрагата не можеме да дадеме повеќе информации – изјави портпаролот Хаџиабдиќ.