Премиерот на Косово, Хашим Тачи изјави дека косовската делегација била подготвена да прифати договор со српската страна уште во петата рудна од дијалогот, одржана на 4-ти март во Брисел и истакна дека се надева дека Србија ќе ја прифати реалноста и само самото тоа и договорот.
На конференција за новинари, Тачи изјави дека постои полна согласност со ставовите на Косово и Европската унија.
-Српската страна како што знаете побара дополнително време за консултации. Постигнување договор не е само за добробит на Косово, во корист на една заедница, туку за добробит на евро интеграциите за целиот регион. Но процесот не е прогласен за неуспешен. Се надевам дека Србија ќе ја прифати реалноста, а со самото тоа и договорот – изјави косовскиот премиер.
Тачи нагласи дека е свесен дека нема лесни решенија за никого.
-Секој од нас, како во Приштина така и во Белград треба да гледа кон иднината, да не останеме заложници на минатото и да надвладаат разумот и смелоста за одлуката и постигнувањето договор – изјави тој.
Елена Георгиевска