Постигнување договор за нормализација на односите меѓу Србија и Косово е се уште можен, изјави денеска косовскиот премиер Хашим Тачи.
Во разговор за Слободна Европа, Тачи рече дека се уште постои можност за постигнување спогодба за нормализација на односите меѓу Србија и Косово и дека Србија сакала драматизација, што и направила во Белград, но и во текот на заедничкиот состанок со Кетрин Ештон.
-Таа драма ја создаде и кај својата јавност. Мислам дека е сега време да тргнеме напред, рече Тачи.
Тој додаде и дека Србија не може како заложник да ја држи европската иднина на Косово, регионот и инвестициите на ЕУ во регионот, и дека тоа нема да се дозволи.
-Тоа нема да се дозволи. Доколку Србија ја одбие спогодбата, Косово ќе продолжи да гледа на европската перспектива, а Белград ќе остане назад заради своја вина, заради неодговорноста и заради менталитетот од минатото, што предизвика војни во Хрватска, Бих и Косово, како и тешка криза во Србија, заклучи Тачи.