Косовскиот премиер Хашим Тачи оцени во вторник дека генералниот секретар на Обединетите нации (ОН) Бан Ки-мун „ја прифатил новата реалност на Косово”, како и желбите на косовскиот народ за влез во ЕУ и НАТО.
На прес конференција одржана по средбата со Бан Ки-мун на приштинскиот аеродром, Тачи рече дека ОН не учествува и не може да учествува во дијалогот меѓу Белград и Приштина што започна пред две години, со посредство на ЕУ.
Косовскиот премиер го потсетил генералниот секретар на ОН дека повеќе од половина од земјите членки на ОН ја признале косовската независност и дека на есен завршува надгледуваната независност на Косово.