Студентите кои сакаат да студираат се обратија во Пионерскиот парк во Белград најавувајќи штрајк со глад доколку сите факултети во Србија не почнат со работа до недела.
– Шокирани сме од неодговорноста и себичноста на ректорот Владан Ѓокиќ, како и на многу други кои не разбираат дека студентите, професорите, академскиот кадар и нашите семејства се презаситени од блокадата. Го оставаме крајниот рок до недела, 1 јуни, бидејќи ги исцрпевме сите други опции. Не ни останува ништо друго. Доколку сите факултети не продолжат со работа до недела, 1 јуни, ќе ги повикамe сите колеги да ни се придружат на штрајкот со глад. Постојат три услови што ги бараме или ќе штрајкуваме со глад, изјавија студентите кои сакаат да учат.