Заменик претседателот на Српската напредна партија (СНС) Небојша Стефановиќ денеска изјави дека сите во партијата го поддржуваат лидерот Александар Вучиќ, но и покрај тоа нема да му биде лесно да ги убеди своите партиски другари во неопходноста од повторна соработка со социјалистите, пренесе Танјуг.
Стефановиќ ова го кажа како одговор на прашањето на агенцијата дали на претстојниот конгрес на СНС ќе се разговара за повторна соработка со социјалистите на Ивица Дачиќ.
Конгресот на СНС е закажан за 28 мај.
Досега коалициската Влада на Србија ја сочинуваа Српската напредна партија, Социјалистичката партија на Србија, Социјалдемократската партија на Србија, партијата „Движење на социјалистите“, партијата „Нова Србија“ и незавни пратеници.