Портпаролот на ЕУ Петер Стано, по повод вчерашниот упад на косовската полиција во зградите на Владата на Србија во општините на северот на Косово, ги смета за еднострани и некоординирани чекори на властите во Приштина и се ризикува натамошна ескалација.
Стано на мрежата Х ја сподели изјавата на Делегацијата на ЕУ во Приштина, во која се посочува дека ЕУ е разочарана од континуираната некоординација на Приштина со меѓународните партнери, како и дека акцијата на косовската полиција во Северна Митровица, Звечан, Зубин Поток и Лепосавиќ ја загрозува кревката безбедносна ситуација на теренот.
Како што се наведува во соопштението на делегацијата на ЕУ во Приштина, ЕУЛЕКС веднаш добил задача да го надгледува извршувањето на оваа операција, која не била координирана со ЕУ и меѓународните партнери.