Претседателот на Владата на Србија, Ивица Дачиќ од денеска ќе престојува во дводневна посета на Република Македонија. Во составот на српската делегација ќе биде и министерот за правда и државна управа Никола Селаковиќ.
Тие вечерва во Македонската опера и балет ќе присуствуваат и ќе се обратат на светосавската академија по повод одбележувањето на Денот на Свети Сава.
Утре премиерот на Србија ќе биде пречекан од неговиот македонски колега Никола Груевски, по што е планирана и средба со претседателот на македонското Собрание, Трајко Вељаноски. Според агендата, предвидено е и положување на цвеќе пред спомен-обележјето на паднатите борци.
Во рамки на посетата најавена е и средба на српскиот министерот за правда и државна управа со министерот за информатичко општество и администрација Иво Ивановски.