Во понеделник ќе биде одреден составот на српската делегација за преговорите со Приштина во Белград на 2 април, а сите политички чинители заедно ќе ја сносат политичката одговорност, без разлика на исходот од преговорите, изјави денеска советникот на српскиот претседател Марко Ѓуриќ.
По средбата на државниот врв во Претседателството на Србија, Ѓуриќ пред новинарите изјави дека највисоките претставници на власта „до понеделник ќе бидат во постојано заседавање“, по што ќе одлучат за составот на делегацијата.
Тој уште оцени дека Србија се наоѓа „во драматично тешка позиција“ и дека земјата и граѓаните ќе бидат соочени со тешки последици, без разлика каков ќе биде резултатот од преговорите во Брисел.