Осумдесет и четиригодишниот српски актер Боро Тодоровиќ се наоѓа во критична состојба и е сместен во Клиничкиот центар во Србија. Како што пренесе „Блиц“ актерот неодамна бил опериран од слепо црево, но во тек на заздравувањето му се слошило и во моментов е во кома.
-Операцијата помина сосема во ред, но тој по неколку дена се жалеше на болки и одеднаш му се слоши. Лекарите го оперираа и констатираа дека имал мозочен удар-изјави за „Блиц“ извор од Клиничкиот центар на Србија.
Пред операцијата на слепо црвео, актерот присуствуваше на неколку јавни манифестации и ништо не укажуваше дека има здравствени проблеми.
Тодоровиќ последните години се повлече од филмската и театарската сцена, а во медиумите речиси и не се појавуваше.
-Што се однесува до актерството, престанав. Не можам повеќе, доста е. Не дека не можам физички или ментално, туку ми стана досадно. Долго сум во оваа работа и гледам дека убавиот живот поминува покрај мене-изјави Боро Тодоровиќ пред неполни две години.
Е. Г.