Српската криминалистичка полиција во рамките на меѓународна акција уапси десет членови на организирана криминална група, што илегално пренесувала лица од подрачјето на Косово, Сирија и африканско-азискиот регон на територијата на ЕУ, објави РТС.
Како што наведува РТС, припадници на криминалната полиција во меѓународна акција привеле десет членови на организирана криминална група.
Акцијата е спроведена на територијата на цела Србија. Постои основано сомнение дека групата од јули до октомври годинава илегално пренела голем број лица од Косово, Сирија и африканско-азискиот регион на подрачјето на Европската унија.
Групата за пренос на едно лице наплатувала од 2.100 евра до 3.500 евра.