Србин (37) е уапсен во Германија, на железничката станица во градот Есен, откако со месарски нож избодел Германец (45), соопшти локалната полиција.
Мажот се здобил со повеќе убодни рани во горниот дел од телото, поради што неговата здравствена состојба е критична, пренесува Нова.рс.
Нападот се случил утрото, а полицијата била повикана од очевидци кои пријавиле дека виделе двајца мажи како се тепаат и дека во тој конфликт бил употребен нож. Итната помош веднаш излегла на местото на настанот, каде пронашла беспомошен 45-годишен Германец кој обилно крварел. На тешко повредениот на лице место му била укажана прва помош, а потоа со возило на Брза помош бил пренесен во болница.
Веднаш била започната потрага по напаѓачот, а Србинот (37) набргу бил однесен на железничката станица. Тој се товари за убиство во обид.
Полицијата во Есен најави дека трага по сите сведоци на овој брутален чин кои би можеле целосно да го расветлат случајот.
Мотивот за крвавиот напад се уште не е познат.