Унгарската полиција приведе 16-годишна Холанѓанка, која се упатила кон Сирија за да се приклучи на организацијата Исламска држава, соопштија властите.
Според унгарскиот Центар за антитероризам (ТЕК), девојката се наоѓала во возот кој сообраќал од Будимпешта кон Белград, кога била уапсена од унгарската полиција, бидејќи имала лажни документи.
-Нашите податоци покажуваат дека таа е холандска државјанка со мароканско потекло и дека преку порталите кои служат за пропаганда и врбување била во постојан контакт со исламисти од ИСИС. Таа веќе е подготвена да се ангажира во вооружена борба и изврши терористички дела-стои во соопштението на ТЕК.
Унгарската полиција им ја предаде девојката на холандските власти, кои ја воделе како исчезната и се сомневале дека сака да се приклучи на ИСИС во Сирија, пренесе „Франс прес“.
Е. Г.