Црногорската полиција денеска го уапси шеесет и петгодишниот Д.В., жител на Пљевља, бидејќи со нож нападнал и повредил невропсихијатар кој не сакал да му издаде потврда за носење оружје.
Како што изјави за црногорските медиуми директорот на Општата болница во Плевља, Саша Грбовиќ, лекарот Илхан Турсумовиќ се здобил со убодна рана во пределот на стомакот и расекотини на рацете и градниот кош.
Животот на Турсумовиќ не е во животна опасност и моментално му е укажана лекарска помош“, изјави Грбовиќ.
Инцидентот го потврди и црногорската полиција која преку соопштение наведува дека Д.В. најпрво физички, а потоа со употреба на ладно оружје, нож, нападнал лекар во Општата болница Пљевља и го повредил во пределот на градниот кош.
Според статистиката на црногорското Министерство за здравство од август, дури 11 отсто од црногорските медицински работници биле изложени на физички напади од почетокот на годинава. Исто така, истото истражување покажа дека дури 95 отсто од лекарите од итната помош доживеале вербален напад.