Утрово е подобра ситуацијата во Затон и Раслина, местата кои се најпогодени од пожарот во областа Шибеник, соопшти утринава хрватскиот министер за внатрешни работи Давор Божиновиќ, пренесува Хина.
„Утро во Затон и Раслина. Подобра ситуација, нема големи огнени фронтови и неконтролирано ширење кон Водице. Временските услови поповолни“, напиша Божиновиќ на Твитер.
Teška noć za vatrogasce, policiju i vojsku, a još nema kraja ? prizori su užasni.
??
Svaka čast svima koji se bore i pomažu! Držite se ljudi, svi smo uz vas! #sibenik #support #vodice #zaton #raslina #firefighters— Iva Mikulandra ?? (@ivamikulandra) July 14, 2022
– Ситуацијата во Раслина и Затон е под контрола. Од утрово тројца пожарникари го гаснат пожарот во западниот дел на областа Окит – изјави утринава командирот на противпожарната единица Славко Туцаковиќ за Н1 Загреб.
Во пожарот изгореа дваесетина куќи – 10 во Раслина и 10 во Затон. Затворени се неколку околни патишта. Според претходните информации, на целото подрачје има околу 300 пожарникари, а на подрачјето на Затон и Раслина има 25 возила, околу седумдесет пожарникари и 25 припадници на вооружените сили.
Во големиот пожар што избувна вчера меѓу Шибеник и Водице, уништени се дваесетина куќи, но нема повредени.
Најтешка е состојбата во Раслина и Затон, а голем број граѓани побегнале со чамци.
Премиерот Андреј Пленковиќ во обиколка на противпожарната станица заедно со министрите за одбрана и за внатрешни пожарникарски станици синоќа ја посетија противпожарната станица.
Според хрватските медиуми, вечерва не е наредена нова евакуација, а се проценува дека во пожарот се уништени 3.000 хектари.