Турскиот премиер Реџеп Тајип Ердоган изјави дека денеска Дамаск се извини поради инцидентот со турскиот борбен авион, што укажува на тоа дека Сирија го соборила леталото.
„Сирија веднаш понуди извинување поради инцидентот и ја призна грешката“, рече Ердоган.
„Во овој момент турските воздухопловни сили спроведуваат потрага и се во спасувачка акција. За среќа, нашите пилоти се живи, изгубивме само авион“, изјави Ердоган.
Турција претходно соопшти дека изгубила контакт со еден ос своите воени авиони додека летал над територијата на југоисток од земјата, а турските телевизиски станици јавија дека се урнал над Сиријските територијални води.
Во авионот F-4 во моментот на неговиот пад имало два пилоти, јави турската агенција Анадолија, кои подоцна беа пронајдени живи и здрави во меѓународните води.