Синдикатите на службениците од јавниот транспорт во Грција објавија дека времено го прекинуваат штрајкот.
Во престолнината Атина со население од четири милиони луѓе за првпат по две седмици се нормализира движењето по „транспортниот колапс“.
До крајот на денот работата ќе ја почнат возачите на автобуси и тролејбуси, а во целата земја ќе се движат возови.
Метрото и трамваите во Атина веќе работат во нормален режим, откако минатата седмица грчката Влада објави граѓанска мобилизација, за да ги принуди штрајкувачите да се вратат на работа и им се закани на оние кои ќе одбијат, со отказ, апсење и затвор.