Во 07:03 часот е регистриран нов земјотрес во Хрватска на Пељешац со јачина од 3,8 степени според Рихтеровата скала, соопшти Сеизмолошката служба на Хрватска.
Земјотрес со јачина од 3,7 степени според Рихтеровата скала е регистриран рано утринава на територијата на Хрватска, а тресење на земјата е почувствувано и во Босна и Херцеговина.
Епицентарот на земјотресот, кој е регистриран во 5:07 часот, бил во областа Метковиќ, на 5 километри југозападно од Неум, на длабочина од 6 километри, соопшти ЕМСЦ. Сеизмолошката служба на Хрватска вчера забележа слаб земјотрес со јачина од 2,6 степени според Рихтеровата скала во морето кај брегот на Пељешац, југоисточно од Жуљан.