Околу 10 проценти од дипломите за завршено високо образование во Србија се фалсификат или се издадени од непризнати високообразовни институции, соопшти српската невладина организација Совет за мониторинг, човекови права и борба против корупцијата.
Според Советот, ваквата состојба била утврдена при провека на 2.000 дипломи издадени во Србија, спроведена од страна на српското Министерство за образование на барање на црногорска фирма.
Советот наведува и дека постојат сомнежи оти голем број државни службеници во Србија всушност имаат фалсификувани факултетски дипломи.