Секој петти возач во Србија седнува пијан зад воланот, пишува белградскиот весник „Политика“.
Во Србија се уште никој не е осуден на максималната казна затвор од 12 години за возење во пијана состојба и предизвикување на инцидентот со фатални последици, предвидена со законот, додава весникот.
Најмалку 54 илјади возачи годишно седнуваат зад воланот под дејство на алкохол, покажува статистиката на Министерството за внатрешни работи.
Речиси половина од нив имаат од 0,5 до 1,2 промили алкохол во крвта, додека цели 20 отсто седнуваат зад воланот во состојба на силно пијанство.
– Дека и претставничките на понежниот пол не се имуни на алкохолот говори и фактот, дека пред две години атрактивната пејачка Ана Николиќ беше фатена зад воланот на својот мерцедес со 2,4 промили алкохол во крвта, додава „Политика“.