Организацијата на ветераните на ОВК во Витина, денеска спроведе акција на уривање на споменикот на паднатите борци од НОВ, што се наоѓаше во центарот на Витина од крајот на Втората светска војна.
При уривањето на споменикот биле собрани голем број ветерани од ОВК, како и граѓани, а полицијата, и покрај присутвото, не можеше да го спречи овој чин.
-Со ова ја потсетуваме Владата на Србија дека ние сме господари на нашите територии и оти и ние можеме да го урнеме секој споменик од нивната историја, изјави Милаим Абази претседател на организацијата на ветераните од Витина.
Косовската полиција го заплени булдожерот со кој беше урнат споменикот и тој е однесен во дворот на полициската станица, каде што се насобраа голем број граѓани и ветерани.
Во меѓувреме, Сенационалното собрание на албанските локални самоуправи, кое го сочинуваат претставнци на локалните власти од Албанија, Косово, Македонија, Црна Гора и Прешевската Долина, во својата остра реакција за отстранувањето на споменикот на ОВПМБ, наведува дека покрена иницијатива за изградба на нов споменик на ОВПМБ, чија изградба ќе ја финансираат самите тие.