По поројните дождови во Романија реката Прут се излеа од речното корито поплавувајќи над 600 фарми во округот Галац, јави БТА.
Поплавени се стотици хектари посеви, станбени и стопански згради. Најтешко погодено е селото Матка во северозападниот дел на округот Галац, каде врнежите не прекинаа два последователни дена.
Романските власти наредија итна проверка на состојбата на заштитните објекти и брани, како и дополнителна анализа на нивото на Дунав и на Прут.
Министерот за води, шуми и рибарство Луција Варга соопшти дека во романскиот дел на Дунав засега нема опасност од појава на поплави, поради што нема потреба од прогласување опасност од жолт код.