Романскиот премиер Виктор Понта во интервју за весникот „Адеварул“ потврди дека ќе се кандидира на претседателските избори во ноември.
Лидерот на социјалдемократите, исто така, соопшти дека најтежок противник за него ќе беше поранешниот лидер на либералите, Крин Антонеску, чија кандидатура, меѓутоа, беше повлечена откако партијата го избра Клаус Јоханис за свој нов претседател и веднаш потоа и за претседателски кандидат.
Понта и Антонеску беа копретседатели на Социјално-либералната унија (УСЛ), коалиција меѓу Социјалдемократската (ПСД) и Национално-либералната партија (ПНЛ), која се распадна во февруари годинава, кога либералите ја напуштија Владата.
– Ми беше пријател и тешко ми е да се борам во луѓе со кои сме биле пријатели, изјави Понта за „Адеварул Лајв“.
Антонеску беше заедничкиот кандидат на УСЛ за претседателските избори, но по распадот на коалицијата, ПНЛ почна процес на спојување со другата голема десничарска партија – Демократско-либералната партија (ПДЛ), со која најавија дека ќе имаат заеднички претендент за претседателската функција.