Републичкиот штаб за вонредни ситуации на Србија усвои денеска заклучок во кој од Владата на Србија се бара да прогласи вонредна истуација на целата територија на државата поради големите поплави.
Тоа го предложил министерот за внатрешни работи Небјша Стефановиќ и е едногласно прифатено, јави Танјуг.
Премиерот на Србија и шеф на Штабот Александар Вучиќ изјави дека заклучокот ќе биде разгледан на седницата на Владата закажана за попладнево. Тоа ќе значи според Вучиќ, ангажирање на сите расположиви капацитети кои ќе бидат ангажирани на намалување на последиците од таа елементарна непогода.
– Ова е најголема катастрофа што не се памети во историјата на Србија, изјави Вучиќ.
– Најважно е да се сочуваат животи бидејќи вода и оган никој не може да победи, потенцира тој.