Косовскиот министер за внатрешни работи Бајрам Реџепи ја отфрли можноста северот на Косово да добие автономија, оценувајќи дека за решавањето на прашањето за односот меѓу Белград и Приштина може да се примени моделот од договорт меѓу двете Германии.
Во интервју за виенскиот весник „Пресе“, Реџепи рече дека не е точно дека во новата рунда од дијалогот ќе стане збор за автономија на севрот на Косово, пренесува Танјуг.
-Премиерот на Србија Ивица Дачиќ изјави дека отцепувањето на северот на Косово ќе биде најдобро решение, но тоа не е реално, порача Реџепи укажувајќи дека меѓународната заедница јасно кажа дека поделбата на Косово не е решение.
Постојат шпекулации во Србија дека северот на Косово треба да добие специјален статус, нешто како територијална автономија, но и за тоа Приштина вели „не“, наведува Реџепи.