Реакции во Грција по молитвата во Аја Софија: Турција ја навредува културата на 21 век

Од:

Првата муслиманска молитва во истанбулската Аја Софија, која неодамна беше пренаменета во џамија, предизвика лавина од реакции во Грција, а свое мислење на темата изнесоа политичарите од власта и опозицијата, како и медиумите, јавува МИА.

Грчкиот премиер Кирјакос Мицотакис во неговата видео порака до граѓаните по повод 46-годишнината од враќањето на демократија во Грција, се осврна и на односите со Турција, коментирајќи дека со постапки како што е претворањето на Света Софија во џамија „ја навредува културата на 21-от век“.

-Сето она што денеска се случува во Истанбул, не е манифестирање моќ, туку доказ на слабост. Јасно е дека она што се случува нема моќ да го засени сјајот на еден споменик од светското наследство. Но, оцрнети се универзалните вредности. Затоа потребна е и универзална осуда, порача грчкиот Премиер.

За универзален културен карактер кој Грција, преку меѓународна кампања треба да го одбрани, говори портпаролот на СИРИЗА, Алексис Харицис, и вели дека денешната свеченост во Света Софија, која се одржа во присуство на турскиот претседател Реџеп Таип Ердоган, и тоа на годишнината од Лозанскиот договор, е „националистичка провокација со длабоки елементи на авторитаризам“.

– Света Софија им припаѓа на сите и требаше да остане симбол на верските слободи, сјајно обележје на соживотот и дијалогот против логиката на верската конкуренција или конфликтот на културите, вели Харицис во писмената изјава.

Денешното и официјално претворање на Света Софија од споменик во џамија и манифестацијата во Истанбул е една од главните теми во грчките медиуми.

Дел од телевизиите се вклучија во живо од Истанбул во моментите кога Ердоган пристигна во Света Софија, а коментарите на новинарите се дека станува збор за „провокација од Турција“, за „тажен и црн ден за христијанството“, за „сквернавење на споменик од светското културно наследство“ и сл.

Би можело да ве интересира

(ВИДЕО) Големо невреме во Грција, силните ветрови корнеа дрвја, многу автомобили се превртени

Забрана за сообраќај на возила на грчките острови Парос и Миконос поради поплави и силно невреме

А1он

Четири опозициски партии доставија барање за гласање недоверба на грчката Влада

А1он

(ВИДЕО) Грција е целосно парализирана: Има судири, летаат солзавци и молотови коктели

Горан Наумовски

Нова демократија: Продолжуваат нападите врз партијата

А1он

Живеат над 90 години и не знаат за деменција – жителите на грчки остров пијат чај секој ден

А1он