Расте бројот на заразени од вирусот Западен Нил во Грција, јавуваат грчки медиуми.
Здравствените власти во државата регистрираа пети случај на болеста. Три лица се уште се во болница, јави Радио Атина.
Вирусот бил потврден кај едно 18-годишно момче, кај маж од 40-годишна возраст и кај жена на 65 години. Сите заразени се жители на јужните предградија на Атина. Лани во Грција беше регистриран 101 случај на вирусот Западен Нил.