Радашин соборува авиони, Бјелогрлиќ пали села, Којо војува во Киев, српски актери жртви на пропагандна војна

Од:

Со фотографии од српски актери претставени како херои, на социјалните мрежи од разни профили се бара прекин на војната во Украина.

Српските актери Радош Бајиќ, Никола Којо и Драган Бјелогрлиќ се жртви на пропагандната војна со духовити коментари покрај нивните фотографии.

Актерот Радош Бајиќ или Радашин од серијата „Село гори, а баба се чешла“ е претатвен како духот на Киев, кој за еден ден успеал да собори 16 руски авиони. Објавата се појави неколку дена по приказните за мистериозниот пилот кој се спротивставува на руските авиони со објаснување дека се работи за пензиониран командант кој се активирал во одбрана на Украина.

Српските медиуми пренесуваат дека од целата објава вистина е дека Радашин е добар пилот, но во филмот „Партизанска ескадрила“.

Никола Којо, пак, во објавите е претставен како генерал наредник кој од прозорец гледа на распарчениот Киев, а искористена е негова фотографија од филмот „Небесна јадица“ во кој дејството се случува за време на бомбардирањето на Белград од НАТО.

Според објавите, на спротивната страна се бори Драган Бјелогрлиќ. Со негова фотографија од филмот „Убави села убаво горат“ тој е претставен како руски војник кој пие пиво откако запалил село.

„Европската цивилизација исчезнува во пламен“, стои во објавата над неговата фотографија.

Во коментари под објавените фотографии многумина објаснуваат дека се искористени фотографии од српски филмови, но тоа не ја сопира жестоката дискусија за војната во Украина.

Би можело да ве интересира

Украинци мислеле дека бегаат од земјата, па биле регрутирани „на измама“

Предраг Петровиќ

Во соседтвото никнува најголемата НАТО база во Европа

ВИДЕО: Русија рано утринава нападна, снимени руски ракети кои летаат кон Киев

ВИДЕО: Руските напади уништија голем дел од украинската енергетска инфраструктура

Тешка ситуацијата во Часов Јар

Предраг Петровиќ

Вашингтон со наредба: Стоп за испорака на „Патриотите“, сите мора да се дадат на Украина

Предраг Петровиќ