Во Будва, попладнето имало пукање, а според неофицијалните информации од подгоричкиот портал Борба, едно лице е убиено. Полицијата не ја потврди оваа информација, а порталот пишува дека голем број полицајци се на местото на настанот, а градот е под блокада.
Полицијата ги контролира приодите кон Будва, додека во тек е интензивна потрага и истрага. Итните служби брзо реагирале, но според достапните информации, повредите на ранетиот биле фатални.
Мотивот за пукањето и идентитетот на учесниците сè уште не се познати.
Полициската администрација објави дека убиен е Сима Марковиќ (52). Според црногорските медиуми, тој е член на Шкаљарскиот клан, кој го поддржувал Мило Божовиќ, некогашен прв човек на општина Будва, кој беше уапсен за шверц на кокаин и за здружување со криминални групи.
Се наведува дека полицијата презема сите пропишани мерки и дејствија за да ги утврди сите околности под кои ова лице починало.
Тие исто така изјавија дека јавноста ќе биде информирана кога ќе се соберат повеќе информации за овој случај.