Турскиот потпретседател, Фуат Октај за тамошните медиуми најави дека земјата првата испорака на ракетниот систем С-400 ја очекува во месец јули. Турција, со купувањето на рускиот ракетен систем ги следи своите интереси, истакна Октај, додавајќи дека земјата го прави она што е неопходно за сопствените интереси кога станува збор за ракетниот одбранбен систем С-400, и носи сопствени одлуки и прави сопствен избор, изјави Октај за турската новинска агенција Анадолија.
Турскиот потпретседател истакна дека Турција нема да се откаже од купувањето на рускиот систем С-400, бидејќи веќе е потпишан договор.
Официјални претставници на САД сугерираа дека Турција треба да го купи американскиот ракетен систем „Патриот“, наместо рускиот систем, тврдејќи дека С-400 е некомпатибилен со системите на НАТО. Турските власти одговорија дека Турција нема да се повлече од договорот со Русија, дури и ако треба да го купи и системот „Патриот“.