Илјадници Романци синоќа протестираа во странство незадоволни дека не успеале да гласаат во првиот круг од изборите за претседател, јавуваат романски медиуми.
Над две илјади Романци се обидоа да упаднат во Амбасадата на Романија во Париз поради неорганизираниот процес за гласање. Демонстрантите скандираа: Долу Понта, и блокираа неколку улици околу Амбасадата по што беше ангажирана француската жандармерија.
Над илјада Романци кои не успеаја да гласаат во Лондон протестираа пред Амбасадата, додека долги редови имаше и пред избирачките места во Молдавија.
МНР на Романија ги повика граѓаните во странство да „имаат разбирање“.
Истовремено претседателот Трајан Басеску побара оставка од министерот за внатрешни работи Титус Корлацјан и на министерот задолжен за Романците во странство Богдан Станоевич. Басеску ги повика двајцата министри да се повлечат од функциите заради начинот на кој изминаа изборите во странство.