Во српското село Турија на три километри западно од Бујановац, пронајдена е голема количина оружје, муниција и други експлозивни средства, објави Блиц.
Според првичните информации на весникот, станува збор за арсенал оружје што е пронајден покрај џамија во селото во еден објект што се урива.
Претпоставки на полицијата се дека се работи за оружје што и припаѓало на ослободителната војска на Прешево, Медвеѓа и Бујановац од 2001 година. Истрагата ја врши обвинителството во Врање со припадници на полицијата од Бујановац.