Косовската полиција денеска изврши рација во филијалите на Поштата Србија во четири општини на северот на Косово.
Заменик командантот на на косовската полиција за северниот регион Ветон Елшани изјави дека од регулаторното тело за електронски и поштенски комуникации добило информација дека има економски оператори кои работат без лиценца.
Елшани рече дека полицијата го известила обвинителот и дека постапуваат според неговите овластувања.
Во мај, косовската полиција изврши рација и ги затвори филијалите на Поштанска Штедилница на северот на Косово, што по забраната за употреба на динари дополнително ја влоши положбата на Србите во покраината.