Деветти ден од блокадата на зградите на српските институции на северот на Косово. Властите во Приштина ги затворија за сообраќај контролните пунктови Брњак и Мердаре, бидејќи активисти на неколку српски здруженија го блокираа сообраќајот во близина на неколку административни пунктови.
Поради упад на полицајци во зградите на српските институции на север, вчера нешто по 18 часот започна сообраќајна блокада на неколку километри од административните пунктови Брњак, Јариње и Мердаре.
Министерот за внатрешни работи во Приштина, Ѓељаљ Свечља, објави дека премините Брњак и Мердаре се затворени бидејќи наводно маскирани лица малтретирале семејство кое патувало од правец на Зубин Поток преку Брњак и понатаму преку централна Србија кон Западна Европа.
Свечља ваквото однесување го нарече „фашистичко“ и донесе одлука да го забрани преминувањето на пунктовите Брњак и Мердаре.
Претседателот на Здружението на граѓани на Косовско-митровачкиот округ Раша Ројевиќ изјави дека четири од пет премини од правец на централна Србија и Црна Гора се блокирани.
Не е блокиран сообраќајот преку точките Мутивода, Кончуљ и Мучибаба кон Медвеѓа, Бујановац и Прешево.