Претседателот на турскиот Парламент Џемил Чичек го отфрли барањето на опозициската Народнорепубликанска партија за парламентарна истрага на премиерот Реџеп Таип Ердоган во врска со корупцискиот скандал.
Барањето е доставено на 28 мај и во него се споменува дека Парламентот веќе одлучил да состави комисија, која ќе ги истражува тврдењата за корупција против четворица поранешни министри од кабинетот на Ердоган по избивањето на корупцискиот скандал, во кој полицијата ги уапси синовите на тројца министри и бизнисмени, блиски до Ердоган.
Кон барањето се приложени и копии од снимки, за кои се тврди дека ги содржат разговорите меѓу премиерот Ердоган и неговиот син Биљал. Автентичноста на снимките се уште не е потврдена.
Народнорепубликанската партија ќе достави до Парламентот оваа недела барање за гласање недоверба на премиерот во врска со антикорупциските операции од 17 до 25 декември, изјави пратеник од партијата.